Mumbai : वर्सोवा ते दहिसर कोस्टल रोड; 2 महिन्यात 9000 कोटीचे टेंडर

प्रत्यक्षात कोस्टल रोडच्या कामाला आगामी वर्षात प्रारंभ
Coastal Road
Coastal RoadTendernama

मुंबई (Mumbai) : बृहन्मुंबई महापालिकाच्या (Mumbai Municipal Corporation) माध्यमातून बांधला जात असलेल्या बहुचर्चित कोस्टल रोडचा विस्तार आता वर्सोवा ते दहिसरपर्यंत केला जाणार आहे. ९ हजार कोटी खर्चाच्या या कोस्टल रोडसाठी येत्या मार्च किंवा एप्रिल महिन्यात टेंडर प्रसिद्ध होणार आहे. प्रत्यक्षात कोस्टल रोडच्या कामाला आगामी वर्षात प्रारंभ होण्याची शक्यता आहे.

Coastal Road
Railway : पुणे-नाशिक अवघ्या दोन तासांत; प्रकल्पातील मोठा अडथळा दूर

मुंबईला कल्याण, भिवंडीपासून मीरा-भाईंदर, वसई-विरार, नवी मुंबई आणि ठाण्याशी जोडण्यासाठी मुंबई महापालिका अनेक प्रकल्पांवर काम करत आहे. यामध्ये कोस्टल रोड महत्त्वाचा प्रकल्प आहे. याअंतर्गत वर्सोवा-दहिसर कोस्टल रोडचे काम आगामी आर्थिक वर्षात सुरू होणार आहे. रस्त्याने हे अंतर सुमारे 22 किमी आहे, त्यासाठी एक तास वेळ लागतो. कोस्टल रोडमुळे हे अंतर काही मिनिटांत कापता येणार आहे. मुंबई महापालिका आयुक्त आय एस चहल यांनी बजेटमध्ये ही घोषणा केली.

Coastal Road
Ashwini Vaishnav: महाराष्ट्रातील 'या' नेत्यामुळे रखडली बुलेट ट्रेन

तर दहिसर ते मीरा-भाईंदर दरम्यान बांधण्यात येणाऱ्या सुमारे ६ किमी लांबीच्या रस्त्याचे टेंडर गेल्या वर्षी काढण्यात आले आहे. दहिसर ते भाईंदर दरम्यान एलिव्हेटेड रोड बांधण्याची योजना महापालिकेने आखली आहे. यामध्ये १.५ किमी लांबीचा रस्ता महापालिका क्षेत्रात येणार आहे, तर ३.५ किमी लांबीचा रस्ता मीरा-भाईंदर महापालिका क्षेत्रात येणार आहे. भविष्यात हा उन्नत रस्ता कोस्टल रोडच्या शेवटच्या टोकाला (कांदिवली) जोडला जाईल, त्यानंतर दक्षिण मुंबई ते भाईंदरपर्यंत लोकांना सहज प्रवास करता येईल. त्याच्या बांधकामामुळे वेळ आणि इंधन या दोन्हींची बचत होईलच, त्याचबरोबर लोकांना वाहतुकीपासूनही दिलासा मिळणार आहे.

Coastal Road
Mumbai: कोस्टल रोडचा भन्नाट प्रवास!

महापालिकेच्या 2023-24 या वर्षाच्या बजेटमध्ये कोस्टल रोड प्रकल्पालाही प्राधान्य देण्यात आले आहे. अर्थसंकल्पात 3545 कोटी रुपयांची तरतूद करण्यात आली आहे. मात्र, कोस्टल रोडच्या कामासाठी सध्या पाच हजार कोटींहून अधिक निधीची आवश्यकता आहे. आयुक्त चहल पुढे म्हणाले की, नोव्हेंबर 2023 पर्यंत कोस्टल रोडच्या पहिल्या टप्प्याचे काम पूर्ण होईल. सुमारे 10 किलोमीटर लांबीचा हा रस्ता वरळीच्या शेवटी असलेल्या वांद्रे-वरळी सी लिंक रोडला प्रिन्सेस स्ट्रीटपासून जोडेल.

Coastal Road
Mumbai : हवा शुद्धीकरणासाठी 5 एअर प्युरिफायर; 10 कोटी खर्च

गतवर्षी कोस्टल रोडसाठी 2650 कोटी रुपयांची तरतूद अर्थसंकल्पात करण्यात आली होती. यावर्षी कोस्टल रोडला सुमारे 900 कोटी रुपये अधिक देण्यात आले आहेत. या प्रकल्पासाठी अंदाजे 12,700 कोटी रुपये खर्च केले जातील. कोस्टल रोडचे आतापर्यंत ६९ टक्के काम पूर्ण झाल्याची माहिती चहल यांनी दिली. कोस्टल रोडच्या पहिल्या, दुसऱ्या आणि चौथ्या टप्प्याचे काम सुरू आहे. चौथ्या टप्प्यांतर्गत गिरगाव चौपाटी ते प्रियदर्शनी पार्कपर्यंत बांधण्यात येत असलेल्या दुसऱ्या बोगद्याचे ९० टक्के काम पूर्ण झाले आहे. कोस्टल रोड सुरक्षित करण्यासाठी सीसीटीव्ही, व्हिडीओ मॅनेजिंग सिस्टीम, आपत्कालीन दळणवळण सुविधा, पोलीस आणि अग्निशमन दलाशी त्वरित संपर्काची व्यवस्था करण्यात येणार आहे.

Coastal Road
Mumbai : MUTP प्रकल्पांना 1100 कोटी; अनेक प्रकल्प लागणार मार्गी

कोस्टल रोडवरचा प्रवास सुरक्षित आणि सोपा होण्यासाठी २४ तास नियंत्रण करणारी यंत्रणा तयार केली जाईल. कोस्टल रोडलगत सुमारे 75 लाख चौरस फूट जागेत गार्डन, जॉगिंग ट्रॅक, ओपन थिएटर, 3 भूमिगत पार्किंग आणि शौचालये आणि इतर सुविधा उपलब्ध करून देण्यात येणार आहेत. मुंबई महापालिका कोस्टल रोडजवळ 3 भूमिगत पार्किंग करणार आहे. एकूण 1856 वाहनांची पार्किंगची व्यवस्था असेल. त्याच्या छतावर उद्यान आणि क्रीडांगण तयार करण्यात येणार आहे.

Related Stories

No stories found.
Tendernama
www.tendernama.com