मुंबई (Mumbai) : पंतप्रधान नरेंद्र मोदी (Narendra Modi) यांचा महत्त्वाकांक्षी प्रकल्प असलेल्या मुंबई-अहमदाबाद बुलेट ट्रेन प्रकल्पाला वेग येणार आहे. नॅशनल हाय स्पीड रेल कॉर्पोरेशन लिमिटेडने नुकतेच जाहीर केले की, महामंडळाने महाराष्ट्र-गुजरातमधील शिळफाटा आणि झरोली गावादरम्यानच्या 135 किलोमीटरच्या पट्ट्यासाठी शेवटचे सिव्हील पॅकेजचे टेंडर दिले आहे.
या पॅकेजमध्ये 36 पूल आणि क्रॉसिंगचा समावेश आहे. त्यात उल्हास नदी, वैतरणा आणि जगणीवरील पुलांचाही समावेश असेल. यामध्ये सात बोगदे आणि महाराष्ट्रातील वैतरणा नदीवरील 2 किमी लांबीचा पूल समाविष्ट आहे. यासह मुंबई (वांद्रे कुर्ला कॉम्प्लेक्स) स्टेशन (C1) बांधणे, 21 किमी बोगदा, 7 किमी समुद्राखालील बोगदा (C2) आणि 135 किमी अलाईनमेंट (C3) यांचा समावेश आहे. एनएचएसआरसीएलने एका निवेदनात म्हटले आहे की, त्यांनी ठाणे, विरार, बोईसर या तीन स्थानकांसह व्हायाडक्ट, पूल, बोगदा, मेंटेनन्स डेपो आणि शिळफाट आणि झरोली दरम्यान ठाणे डेपोसाठी काही कनेक्टिंग कामांचा समावेश असलेल्या नागरी आणि इमारतींच्या कामांसाठी टेंडर दिली आहेत.
या शेवटच्या टेंडरसह, मुंबई-अहमदाबाद हायस्पीड रेल्वे कॉरिडॉरसाठी सर्व नागरी कंत्राटे देण्यात आली आहेत, असे प्रसिद्धीपत्रकात म्हटले आहे. ज्यात 465 किमी लांबीचे व्हायाडक्ट, 12 एचएसआर स्टेशन, 3 रोलिंग स्टॉक डेपो, 10 किमीचे व्हायाडक्ट असलेले 28 स्टील पूल, 24 नदी पूल, 97 किमी लांबीच्या टनेलखालील भारतातील 97 किमी लांबीच्या टनेलचा समावेश आहे.
वापी, बिलिमोरा, सुरत, भरूच आणि सुरत रोलिंग स्टॉक डेपो गुजरातसह 237 किमी मार्गाच्या बांधकामासाठी पहिले नागरी कंत्राट 28 ऑक्टोबर 2020 रोजी देण्यात आले होते. ते भारतातील सर्वात मोठे नागरी कंत्राट देखील होते, असा दावा महामंडळाने केला. स्टेशन्समध्ये तिकीट आणि प्रतीक्षा क्षेत्र, बिझनेस-क्लास लाउंज, नर्सरी, रेस्टरूम, स्मोकिंग रूम, इन्फॉर्मेशन कियोस्क, प्रासंगिक रिटेल सेंटर्स आणि सार्वजनिक माहिती आणि घोषणा प्रणाली यांचा समावेश असलेल्या सुविधा असतील.
