गोंदिया (Gondia) : तिरोडा तालुक्यातील धापेवाडा उपसा सिंचन प्रकल्प शेतकऱ्यांसाठी वरदान ठरत आहे. उपसा सिंचन प्रकल्पाचे टप्पे 2 क्रमांकाचे काम अंतिम टप्प्यात आहे. सुमारे 290 कोटी रुपये खर्चून बांधण्यात येणाऱ्या धापेवाडा प्रकल्पातून गोंदियातील चार जलाशयांमध्ये पाणी सोडण्यात येणार आहे. परिसरातील बोदलकसा, चोरखमारा, रिसाला, भडभड्या तलावात पाइपलाइनद्वारे पाणी सोडण्यात येणार आहे.
सध्या 10 हजार 171 हेक्टर शेतीला सिंचन उपलब्ध होणार आहे. तिरोडा तहसील धापेवाडा उपसा सिंचन प्रकल्प बांधण्यात आला आहे. ज्यांच्या विस्तारासाठी टप्पा 2 चे काम सुरू करण्यात आले आहे. 2014 साली उपमुख्यमंत्री देवेंद्र फडणवीस यांचे सरकार असताना हे काम पूर्ण करण्यासाठी 290 कोटींचा निधी मंजूर करण्यात आला होता. सन 2018 मध्ये केंद्रीय मंत्री नितीन गडकरी यांच्या हस्ते जलपूजन करून पाईपलाईन टाकण्याच्या कामाला सुरुवात करण्यात आली होती, ज्याचे काम सध्या 95 टक्के पूर्ण झाले आहे. यासह लवकरच या जलाशयातून बोदलकसा, चोरखमारा, रिसाला, भडभड्या तलावात पाप लाइनद्वारे पाणी सोडण्यात येणार आहे.
धापेवाडा उपसा पाटबंधारे प्रकल्पाच्या टप्पा २ चे काम लवकरात लवकर पूर्ण करावे जेणेकरून शेतकऱ्यांना या जलाशयाच्या सिंचनाचा जास्तीत जास्त लाभ मिळावा. यासाठी परिसराचे आमदार विजय रहांगडाले यांनी कामाच्या ठिकाणी पोहोचून कामाचा आढावा घेतला व लवकरात लवकर काम पूर्ण करण्याच्या सूचना दिल्या. दिवाळीपर्यंत जलपूजन करून उपरोक्त तलावांमध्ये पाणी सोडले जाईल, अशी अपेक्षा आहे. यावेळी कृषी उत्पन्न बाजार समितीचे सभापती जितेंद्र रहांगडाले, उपसभापती मुनेश रहांगडाले, सरचिटणीस मदन पटले, जि.प.सदस्य प्रवीण पटले, शहराध्यक्ष अमोल तितरामरे, कार्यकारी अभियंता पंकज गेडाम आदी उपस्थित होते.